網紅的藏寶箱放假冇乜細藝，又唔會爬龍舟，更加唔會游龍舟水，於是喺屋企搵啲嘢玩吓。
以前飲過一支粟米🌽汁好好味，自己又試吓做囉。
方法好簡單：首先將兩隻粟米粒粒搣出嚟，就咁搣比較困難，喺中間切開佢然後喺粟米芯一嘢插把鉸剪入去，（有啲暴力✂️），然後一扭，粟米就會變成兩件，然後啲粟米粒粒就好容易咁一排一排咁搣咗出嚟，好方便又唔會搣爆啲粟米粒。 跟住將啲粟米粒粒用滾水煲5分鐘就得，唉呀，仲要兩湯匙飯，等個粟米汁飲落去滑啲。
呢個時候將煲滾咗嘅粟米粒粒同煮熟咗嘅飯擺入攪拌機，跟住就住自己鍾意嘅濃度，加入滾水（兩隻粟米大概要用一升水）。開機、打爛材料！
飲得。你可以加糖，但係我就咁飲都好清甜。另外亦都可以隔渣，就比較香滑。但係都幾嘥功夫，除非你有破壁包子機！
咁啲粟米芯係唔係掉咗佢呢，梗係唔係啦。煲水然後焗返佢幾個鐘，再放入雪櫃，就變成一度清涼而解熱嘅夏天飲品。
#何嘉麗callmegaga #何嘉麗 #為食路上
#嘉嘉自煮 #粟米汁 #粟米芯水
#食粟米好啦千祈唔好食塞米
Search